" Le fort, le prud, le merveillus, le grant.
« Ço est merveille que Deus le soefret tant.
« la prist il Noples seinz le vostre cumant.
« Fors s’en eissirent li Sarrazin dedenz ;
« Si s’ cumbâtirent à l’ bon vassal Rollant.
« Il les ocist à Durendal sun brant.
« Pois, od les ewes lavat les prez de l’ sanc :
« Pur ço le fist, ne fust aparissant.
" Pur un sul lèvre vait tut le jur cornant ;
« Devant ses pairs vait il ore gabant.
« Suz ciel n’ad gent l’ osast requerre en camp.
« Kar chevalchiez. Pur qu’ alez arestant ?
« Tere majur mult est loinz ça devant. » Aoi.
CLIX
Li quens Rollanz ad la buche sanglente ;
De sun cervel rumpuz en est li temples.
L’olifant sunet à dulur e à peine.
Caries l’oït, e ses Franceis l’entendent.
Ço dist li Reis : " Cil corns ad lunge aleine ! »
Respunt dux Naimes : « Rollanz i est en peine.
" Bataille i ad, par le mien escientre ;
« Cil l’ad traït ki vus en roevet feindre.
« Adubez vus, si criez vostre enseigne,
« Si succurez votre maisniée gente.
« Asez oez que Rollanz se dementet. "Aoi.
CLX
Li Emperere ad fait suner ses corns.
Franceis descendent, si adubent lur cors
D’osbercs e d’ helmes e d’espées ad or ;
Escuz unt genz e espiez granz e forz
E gunfanuns blancs e vermeilz e blois.
Es destriers muntent tuit li barun de l’ost,
Brochent ad ait tant cum durent li port.
1775. la prist il Noples. Voir la note du v. 108.
