CXXXVI
Par le camp vait Turpins H arcevesques ;
Tels curunez ne cantat unkes messe,
Ki de sun cors feïst tantes proeces.
Dist à l’ paien : « Deus tut mal te tramettet !
« Tel as ocis dunt à l’ coer me regrette. »
Sun bon cheval i ad fait esdemetre,
Si l’ ad ferut sur l’escut de Tulete,
Que mort l’abat desur cele herbe verte.
Dient Franceis : " Bien fiert nostre arcevesques. "Aoi.
CXXXVII
Filz Capuel, le rei’de Capadoce.
Siet el’ cheval que il cleimet Marmorie,
Plus est isnels que n’est oisels M volet ;
Laschet la resne, des esperuns le brochet,
Si vait férir Gerin par sa grant force,
L’escut li freint, merveillus colp li portet,
Tute sa brunie a prof li ad desclose, *
El’ cors li met tute l’enseigne bloie
Que mort l’abat lez une halte roche.
Sun cumpaignun Gerier ocit uncore
E Berengier e Gui de Seint-Antonie ;
Pois, vait férir un riche due, Austorie,
Ki tint Valence e l’honur sur le Rosne :
Il l’abat mort ; paien en unt grant joie.
Dient Franceis. : " Mult dechéent li nostre. " Aoi.
CXXXVIII
Li quens Rollanz tint s’espée sanglente, ,
De tutes parz la lièvet e la présentet ;
Bien ad oït que Franceis se desmentent.
Si grant doel ad que par roi quidet fendre ;