CXXIX
Li reis Marsilies est reniés sur un munt :
Vait s’en Grandonies, par roi un val de suz.
A treis clous d’or fermet sun gunfanun ;
A vois escriet : " Kar chevalchiez, baruns. "
Mil graisle sunent, mult en sunt cler li sun.
Dient Franceis : " Deus Pere, que ferum ?
" Si mar veïsmes le cunte Guenelun ;
" Venduz nus ad par male traïsun.
" Kar nus aidiez, li duze Cumpaignun. "
Li Arcevesques tut premerains respunt :
" Bons chevaliers, hoi recevrez honur ;
" Deus vus durrat e curunes e flurs
" En Pareïs, entre les glorius.
" Mais li cuard mie n’ i entrerunt. "
Franceis respundent : " Cumunement ferum ;
" la pur murir ne li serum felun. "
Brochent avant des ories esperuns.
Si vunt férir cez encriesmes feluns.Aoi.
CXXX
Li reis Marsilies ad fait sa gent partir
Les dis eschieles od sei voelt retenir,
E les dis altres chevalchent pur férir.
Dient Franceis : « Deus ! quel perte avrum ci !
" Li duze Per que purruntdevenir ? "
Premiers respunt l’arcevesques Turpins :
" Bon chevalier, de Deu estes ami ;
" Encoi serez curunet e flurit,
" En seintes flurs gerrez el" Pareïs ;
" Mais li cuard jamais n’i serunt mis. "
Franceis respundent : " Nus n’i devum faillir.
