Fiert un paien, Justin de Val-Ferrée ;
Tute la teste li ad par roi sevrée,
Trenchet le cors e la brunie safrée,
La bone sele ki ad or est gemmée,
E à l’ cheval ad l’eschine colpée :
Tut abat mort devant lui en la prée.
Ço dist Rollanz : « Or vus receif jo frère.
« Pur itels colps nus aimet l’ Emperere. »
De tutes parz est Munjoie escriée.Aoi.
CXIV
Li quens Gerins siet el’ cheval Sorel,
E sis cumpainz Geriers en Passe-Cerf ;
Laschent lur resnes, brochent ambdui ad ait
E vunt férir un paien, Timozel,
L’uns en l’escut e li altre en l’osberc ;
Lur dous espiez enz el’ cors li unt frait,
Mort le tresturnent très en roi un guaret.
Ne l’ oï dire ne jo mie ne l’sai
Li quels d’els dous en fut li plus isnels...
Esperveris i fut, li filz Boret :
Icel ocist Engeliers de Burdel.
E l’Arcevesques lur ocist Siglorel,
L’encanteür ki ja fut en enfer ;
Par artimal l’i cunduist Jupiter.
Ço dist Turpins : « Icist est mult fel."
Respunt Rollanz : « Vencuz est li culverz.
« Oliviers frère, itel colp me sunt bel. » Aoi.
CXV
La bataille est adurée endementres :
Franc e paien merveillus colps i rendent.
Fièrent li un, li altre se défendent.
1379. Sorel. Nous avons fait de " Sorel» le nom d’un cheval, ce qui nous semble justifié par le vers suivant : le manuscrit de Lyon donne Morel. Cf. les noms
