Sanglent en ad e l’osberc e la brace,
Sun bon cheval le col e les espalles.
E Oliviers de férir ne se target.
Li duze Per n’en deivent aveir blasme,
E li Franceis i fièrent e si caplent.
Moèrent paien e alquant en i pasment.
Dist l’Arcevesques : « Bien ait nostre barnages !
Munjoie escriet, ço est l’enseigne Carle.Aoi.
CXll
E Oliviers chevalchet par l’estur.
Sa hanste est fraite, n’en ad que un trunçun ;
E vait férir un paien, Malsarun.
L’escut li fraint k’ est ad or e à flurs,
Fors de la teste li met les oilz ambsdous
E la cervele li chiet as piez desuz :
Mort le tresturnet od tut set cenz des lur.
Pois, ad ocis Turgin e Estorgus ;
La hanste esclicet e briset jusqu’as puignz.
Ço dist Rollanz : « Cumpainz, que faites vus ?
" En tel bataille n’ai cure de bastun ;
« Fers e aciers i deit aveir valur.
« U ’st vostre espée ki Halteclere ad num ?
« D’or est li helz e de cristal li punz.
« — Ne la pois traire, » Oliviers li respunt,
« Kar de férir ai jo si grant bosuign. »Aoi.
CXIII
Danz Oliviers trait ad sa bone espée
Que sis. cumpainz li ad tant demandée,
E il li ad cum chevaliers mustrée.
1363. U est l’espée ki Halteclere ad num. L’épée Hauteclaire est, d’après plusieurs de nos vieux poèmes, l’oeuvre du forgeron Veland ; d’après quelques autres, de Munificant. L’auteur de Girars de Viane nous raconte tout au long l’histoire de cette fameuse épée : «Elle appartenait autrefois à l’empereur de Rome Closamont, qui la perdit dans un bois. Des faucheurs la retrouvèrent
