Deus le guarit, qu’el’ cors ne l’ ad tuchiet ;
La hanste fruisset, mie n’en abatiet.
Ultre s’en vait qu’il n’i ad encumbrier,
Sunet sun graisle pur les soens ralier.Aoi.
CX
La bataille est merveilluse e cumune.
Li quens Rollanz mie ne s’asoüret,
Fiert de l’ espiet tant cum hanste li duret,
A quinze colps l’ad il fraite e rumpue ;
Trait Durendal, sa bone espée nue.
Sun cheval brochet, si vait férir Chernuble :
L’helme li freint ù li carbuncle luisent,
Trenchet la coife e la cheveleüre,
Si li trenchat les oilz e la faiture,
Le blanc osberc dunt la maile est menue
E tut le cors tresqu’en la furcheüre,
Enz en la sele ki est à or batue.
El’ cheval est l’espée aresteüe :
Trenchet l’eschine, une n’i ont quis juinture ;
Tut abat mort el’ pret sur l’herbe drue.
Après, li dist : « Culverz, mar i moüstes ;
« De Mahummet ja n’i avrez aiüde.
« Par tel glutun n’iert bataille hoi vencue.Aoi.
CXI
Li quens Rollanz par roi le camp chevalchet,
Tient Durendal M bien trenchet e bien taillet,
Des Sarrazins lor fait mult grant damage.
Ki lui veïst l’un jeter mort sur l’ altre,
Le sanc tut cler gesir par cele place !
1326. L’helme ù li carbuncle luisent. Le beaume, comme nous l’avons dit, est en forme de cône ; il est bordé d’un cercle, d’une bande de métal qui est ornementée. Et il est souvent renforcé dans toute sa hauteur par quatre autres bandes de métal, également ornementées, lesquelles viennent aboutir et se croiser à son sommet. C’est sur ces bandes et sur le cercle que l’on plaçait des pierres précieuses ou de la verroterie, Voyez Demay, Le Costume dé guerre, p. 132,
