XCIII
Rollanz est pruz e Oliviers est sages :
Ambedui mit merveillus vasselage.
Pois que il sunt as chevals e as armes,
la pur murir n’eschiverunt bataille.
Bon sunt li cunte, e lur paroles haltes.
Felun paien par grant irur cheval client.
Dist Oliviers : « Rollanz, veez en alques.
« Cist nus sunt près, mais trop nus est loinz Carles
« Vostre olifant suner vus ne l’ deignastes,
« Fust i li Reis, n’i oüssum damage.
« Cil gui là sunt n’en deivent aceir blasme
« Guardez amunt par devers les porz d’Aspre ;
« Vedeir poez delente rere-guarde.
« Ki ceste fait, jamais n’en ferai altre.»
Respunt Rollanz : « Ne dites tel ultrage.
« Mal seit de l’ coer ki el’ piz se cuardet !
« Nus remeindrum en estai en la place ;
« Par nus i iert e li colps e li caples. »Aoi.
XCIV
Quant Rollanz veit que bataille serat,
Plus se fait fiers que leun ne leuparz ;
Franceis escriet, Olivier apelat ;
« Sire cumpainz, amis, ne F dire ja.
« Li Emperere ki Franceis nus laissat,
« Itels vint milie en mist à une part,
« Sun escientre, nen i ont un cuard.
« Pur sun seignur deit hum suffrir granz mals.
« E endurer e forz freiz e granz calz.
« Si’n deit hum perdre de l’ sanc e de la carn.
ce Fier de ta lance e jo de Durendal ;
« Ma bone espée que li Reis me dunat.
« Se jo i moerc, dire poet ki l’ avrat,
« Que ele fut à nobilie vassal ! "Aoi.
