LES PRÉLUDES DE LA GRANDE BATAILLE
LXXXVI
Oliviers muntet desur un pui halçur :
Guardet suz destre par roi un val herbus,
Si veit venir cele gent paienur.
Si’n apelat Rollant sun cumpaignun :
« Devers Espaigne vei venir tel bruur,
« Tanz blancs osbercs, tans helmes flambius !
« Icist ferunt noz Franceis grant irur.
« Guenes li fel ad fait la traïsun
" Ki nus jugat devant l’Empereur.
« — Tais, Olivier, » li quens Rollanz respunt ;
« Mis parrastre est : ne voeill que mot en suns. »Aoi.
LXXXVII
Oliviers est desur un pui muntez :
Or veit il bien d’Espaigne le règnet,
E Sarrazins ki tant sunt assemblet.
Luisent cil helme, Ici ad or sunt gemmet
E cil escut e cil osberc safret
E cil espiet, cil gunfanun fermet.
Suls les eschieles ne poet il acunter :
Tant en i ad que mesure n’en set.
En lui meïsme en est mult esguarez ;
Cum il einz pout, de l’pui est avalez :
Vint as Franceis, tut lur ad acuntet.Aoi.
LXXXVIII
Dist Oliviers : « Jo ai paiens veüz ;
« Une mais nuls hum en tere n’en vit plus.
1032. Osberc safret. On mêlait du fil d’archal aux mailles de fer du haubert, et l’on produisait par là une broderie grossière qui ornait surtout le bas de