Cette page n’a pas encore été corrigée
N’unt guarnement que tut ne reflambeit.
Sunent mil graisle pur ço que plus bel seit :
Grant fut la noise, si l’oïrent Franceis.
Dist Oliviers : « Sire cumpainz, ço crei,
« De Sarrazins purrum bataille aveir. »
Respunt Rollanz : « E Deus la nus otreit !
« Bien devum ci ester pur nostre rei ;
« Pur sun seignur deit hum suffrir destreiz,
« E endurer e granz calz e granz freiz ;
« Si ’n deit hum perdre e de l’ quir e de l’ peil.
« Or guart cascuns que granz colps i empleit,
« Male cançun ja cantée n’en seit !
« Paien unt tort, e chrestien unt dreit.
" Malvaise essample n’en sera ja de mei. » Aoi.