Muls e chevals e cameilz e leuns.
Marsilies mandet d’Espaigne les baruns,
Cuntes, vezcuntes e dux e almaçurs,
Les amirafles e les filz as cunturs ;
Quatre cenz milie en ajustet en treis jurz.
En Sarraguce fait suner ses taburs.
Mahummet lièvent en la plus halte tur ;
N’i ad paien ne l’ prit e ne F aürt.
Pois, si chevalchent, par mult grant cuntençun,
La tere entor e les vals e les munz ;
De cels de France virent les gunfanuns,
La rere-guarde des duze Cumpaignuns :
Ne laisserat bataille ne lur dunt.Aoi.
LXXV
Li niés Marsilie il est venuz avant
Sur un mulet od un bastun tuchant.
Dist à sun uncle belement, en riant :
« Bels sire reis, jo vus ai servit tant,
« Si’n ai oüt e peines e ahans,
« Faites batailles e vencues en camp ;
« Dunez m’ un lieu : ç’ est li colps de Rollant.
» Je l’ ocirai à mun espiet trenchant,
« Se Mahummet me voelt estre guarant ;
" De tute Espaigne aquiterai les pans,
« Dès les porz d’Aspre entresqu’à Durestant.
« Lasserat Carles, si recrerrunt si Franc ;
« la n’avrez guère en tut vostre vivant. »
Li reis Marsilies l’en ad dunet le guant.Aoi.
LXXVI
Li niés Marsilie tient le guant en sun puign ;
Sun uncle apelet par mult fière raisun :
863. Mahummet lièvent. " II fit placer ses dieux sur le rempart, et leur offrit des sacrifices. » (Keiser Karl Magnus’s kronike.) H est à peine utile de relever, une fois de plus, l’erreur de notre poète et de tout le moyen âge, qui regardaient les musulmans comme adorateurs d’images et polythéistes. Bien n’est plus contraire à la vérité.
