En sum un tertre contre le ciel levée.
Franc se herbergent par tute la cuntrée.
Paien chevalchent par cez greignurs valées,
Osbercs vestuz e lur brunies dublées,
Helmes laciez e ceintes lur espées,
Escuz as cols e lances adubées
Enz en un broill par sum les puis remestrent ;
Quatre cenz milie atendent l’ajurnée.
Deus ! quel dulur que li Franceis ne l’ sevent !Aoi.
LX
Tresvait li jurz, la noit est aserie.
Caries se dort, li emperere riches :
Sunjat qu’il ert as greignurs porz de Sizre :
Entre ses puignz tient sa hanste fraisnine ;
Guenes li quens l’ad desur lui saisie ;
Par tel aïr l’ad trussée e brandie,
Qu’ entre ses puignz l’ad il fraite e brisre,
E vers le ciel en volent les esclices.
Caries se dort, qu’il ne s’esveillet mie.Aoi.
LXI
Qu’il ert en France à sa capele, ad Ais ;
El’ destre braz li morst uns urs si mais
Que jusqu’à l’os li ad trenchiet la carn.
Devers Ardene vit venir un leupart :
Sun cors demenie mult fièrement asalt.
D’enz de la sale uns veltres avalat,
Que vint à Carle les galops e les salz ;
La destre oreille à’ l’urs premiers trenchat,
Iréement se cumbat à l’ leupart.
Dient Franceis que grant bataille i ad,
Mais il ne sevent li quels d’els la vientrat.
Caries se dort, mie ne s’esveillat.Aoi.
712. Helmes laciez. Ou laçait le beaume au capuchon de mailles par un