« — Ço n’iert, » dist Guenes, « tant cum vivet Rollanz.
« N’ad tel vassal d’ici qu’en Orient ;
« Mult par est pruz Oliviers, sis cumpainz ;
« Li duze Per, que Carles aimet tant,
« Funt les enguardes à vint milliers de Francs.’
« Soürs est Carles, ne crient hume vivant. »Aoi.
XLVII
« Bels sire Guenes, » dist Marsilies li reis,
« Jo ai tel gent, plus bêle ne verrei ;
« Quatre cenz milie chevaliers pois aveir ;
« Pois m’en cumbatre à Carle et à Franceis. »
Guenes respunt : « Ne vus à ceste feiz !
« De voz paiens mult grant perte i avreiz.
« Laissiez folie, tenez vus à l’ saveir ;
« L’Empereür tant li dunez aveir,
« N’i ait Franceis ki tut, ne s’en merveilt.
« Par vint ostages, que li enveiereiz,
« En dulce France s’en repairrat li Reis ;
« Sa rere-guarde lerrat derere sei,
« Iert i sis niés, li quens Rollanz, ço crei,
« E Oliviers, li pruz e li curteis
« Mort sunt li cunte, se est ki mei en creit.
« Carles verrat sun grant orgoill cadeir,
« N’avrat. talent que jamais vus guerreit. »Aoi.
XLVIII
« Bels sire Guenes, » ço dist li reis Marsilies,
« Cum faitement purrai Rollant ocire ?»
Guenes respunt : « Ço vus sai jo bien dire :
« Li Reis serat as meillurs porz de Sizre,
583. Sizre. C’est, comme M. P. Raymond l’a démontré, la région même qui touche à Roncevaux et qui s’appelle encore aujourd’hui du nom de Cize. Or ces défilés font partie de la Navarre française ; et c’est la Navarre en effet qui a été le théâtre de la mort de Roland. M. P. Raymond appuie sa démonstration de textes nombreux, où il nous fait voir les diffé-
