XXXIX
Envers le Rei s’est Guenes aproismiez,
Si li ad dit : « A tort vus curuciez ;
« Kar ço vus mandet Carles ki France tient,
« Que recevez la lei de chrestiens ;
« Demi Espaigne vus durrat il en fiet ;
« L’altre meitiet avrat Rollanz sis niés :
« Mult i avrez orgoillus parçunier.
« Se ceste acorde ne vulez otrier,
« En Sarraguce vus viendrat asegier ;
« Par poestet serez pris e liez,
« Menez serez tut dreit ad Ais le siet :
« Vus n’i avrez palefreid ne destrier,
« Ne mul ne mule que poissiez chevalchier.
« Getez serez sur un mal vais sumier ;
« Par jugement iloec perdrez le chief.
« Nostre Emperere vus enveiet cest brief. »:
El’ destre puing l’ad livret à l’ paien.Aoi.
XL
Marsilies sout asez d’art e de livre ;
Escoler fut de la loi païenie.
Freint le seel, getet en ad la cire,
Guardet à l’brief, vit la raisun escrite :
Pluret des oilz, sa blanche barbe tiret,
En piez se tirecet, à halte voie s’escriet :
« Oez, seignurs, quel mortel estullie.
« Carles me mandet, ki France ad en baillie,
« Que me remembre de la sue grant irc ;
« Ç’est de Basan e sun frère. Basilic,
« Dunt pris les chiefs as puis de Halloïc.
« Se de mun cors voeill aquiter la vie,
« Dunc li envei mun uncle, l’Algalife,
« Kar..altrement ne m’amerat il mie. ».
— ; N’i ad paien ki un sul mot en diet.
Après parlat sis filz envers Marsilie,
