XXXIII (?)
Li Sarrasins esguardet Guenelun ;
Cors ad bien fait e reguart de felun ;
Li cors li tremble aval dès qu’à l’ talun,
E Blancandrins lui a trait un sermun :
« Sire, dist-il, entendes ma raisun.
« Quidez vus prendre de Rollant venjaisun ?
« « Par Mahummet, faites en traïsun.
« Mult est curteis li reis Marsiliun
« Tut son aveir vus metrat à bandun. »
Guenes l’entent, si baisset le mentun.Aoi.
XXXIV
Tant chevalchièrent Guenes e Blancandrins
Que l’uns à l’altre la sue feid plevit
Que il querreient que Rollanz fust ocis.
Tant chevalchièrent e veies e chemins
Qu’en Sarraguce descendent suz un if.
Un faldestoel ont suz l’umbre d’un pin,
Envolupet d’un palie alexandrin :
Là fut li reis ki tute Espaigne tint ;
Tut entur lui vint milie Sarrazin ;
N’i ad celui ki mot sunt ne mot tint
Pur les nuveles qu’il vuldreient oïr.
Atant as vus Guenes e Blancandrins.Aoi.
XXXV
Blancandrins vint devant Marsiliun :
Par le puign tint le cunte Guenelun,
E dist à l’ Rei : « Salvez seiez d’ Mahum
408. Palie alexandrin. La ville du monde la plus renommée pour’ ses étoffes de prix était Alexandrie. « Ses palies on pattes sont devenus un lieu commun de nos Romans, où ils sont nommés à chaque vers. " Et ces mentions ne sont pas moins fréquentes dans les écrivains arabes. « Alexandrie était en réalité l’entrepôt des marchandises de l’Orient et de l’Occident,
