Le texte de cette page a été corrigé et est conforme au fac-similé.
— 29 —
son de cerfs, ne les cerfs là où il ait grand foyson de dains. La chair du dain est plus savoureuse à tous chiens que n’est celle du cerf ne celle du chevreul ; et pour ce est-ce mauvais change quant on chasse le cerf à chiens qui ont autrefois mengié de dains. Leur venoyson est trop bonne et la garde l’en ; et se sale comme celle du cerf.
Ilz demuerent voulentiers en sec pays, et touzjours voulentiers en compaignie d’autres dains se ce n’est dès le moys de may jusques à la fin d’aoust que, pour paour des mousches, ilz prennent leurs buyssons, aucune fois avec un autre dain, aucune fois tous seuls. Et demeurent voulentiers en haut pays où il ha vallées et petites montainhetes. On l’escorche et le deffet comme un cerf.
