Le texte de cette page a été corrigé et est conforme au fac-similé.
508
POÉSIES
Au tierc jour, à bonne estrine,
Brisa d’enfer la saisine
Et issi dou saint vaissiel.
Bien en trouverent le signe
La Magdelainne benigne
Et la Cléophée fine,
Et Salomé leur cousine.
Qui bien no loy examine
Riens n’i troeve que tout bel.
Croi dont en la vertu trine,
Un seul dieu qui tout afine,
Et en la viergne royne,
Et en sa sainte gesine,
Et le salu imagine
Dou saint Angel Gabriel ;
Si saras
Et aras
Grant douçour,
Car en l’errour
Que tu as,
Cest uns estas
Sans honnour.
Que diras
Quant veras
Ton signour
Au darrain jour ?
Mas et las
Tu trembleras
De paour.
Tu oras
