» En tel argu pensant à li
» Soudainnement il tressalli,
» De l’arbre chéi jus à terre.
» Il ne le convint aillours querre.
» Là fu trouvés, là est ses lis,
» Car il y fu ensepvelis.
» Tubulus gousta moult mes flames.
» Le record n’en est mies blames,
» Car dou gouster et dou sentir
» Peu de gens en voi repentir,
» S’il ne sont d’attemprance dure.
» Mès li touseaus en ceste ardure
» Persevera et rendi ame.
» Ensi est escrit sus sa lame.
» Le Dieu d’amours en leva bulles
» Et dist que loyal fu Tubules.
» Narcisus fu de franche orine,
» Enfés de Roy et de Royne ;
» Tres beaus fu et de noble arroi.
» Fille de Royne et de Roy
» Enama ; Equo ot nom celle.
» Elle moru jone pucelle.
» Nom-pour-quant, s’elle morte fu,
» Onques estaint n’en vit le fu
» Narcisus, tel quil le portoit ;
» Mès nuit et jour li enhortoit
» Que il perseverast avant ;
» Et li remettoit au devant
» Equo la belle et bonne et sage.
» Or avoit Narcisus d’usage
Page:Froissart - Poésies (1829).djvu/453
Le texte de cette page a été corrigé et est conforme au fac-similé.
437
DE JEAN FROISSART.
