Page:Froissart - Poésies (1829).djvu/360

344

POÉSIES

» Il me souvient moult bien, par m’ame !
» Qu’après la façon de ma dame
» Je fis pourtraire voirement
» Un image notoirement
» Par un paintre sage et vaillant ;
» De quoi, toujours en travillant
» Cest image avec moi portoie,
» Et grandement me deportoie
» Au véoir et au regarder.
» Et encores, pour mieuls garder,
» Mis l’avoie en toile cirée.
» Or ne sçai s’elle est empirée,
» Car il a bien sept ans entiers,
» Quoique g’i pense volentiers,
» Que je n’ouvri, ne fui au coffre. »
Et lors Philozophie m’offre
Et me prommet que mon image
Sans villonnie et sans damage
Trouverai segure et entire.
Tant dist, tant procure et tant tire
Que briefment je me mis à voie,
Et là vinc où je mis avoie
Le coffre, en sauf lieu et couvert.
Si l’ai deffremé et ouvert,
Et l’image que tant desir
À véoir voi illoec jesir.
Je le pris et le desploiai
De la toile où je le ploiai ;
Et si trestost quan mi le vi
Mou coer entirement ravi