Le texte de cette page a été corrigé et est conforme au fac-similé.
214
POÉSIES
Or lisiés et vous verrez u,
Et comment elle fette fu.
Balade.
À très plaisans et jolie
Lié mon coer et renc pris.
Pris m’en croist sans villonnie.
Onnie est en bien de pris ;
Pris me renc en la prison
La belle que tant prison.
À ceste merancolie
Colie mon coer tout dis.
Dis en fai, car je mendie ;
Die qui voet c’est pour fis ;
Fis sui qu’aim sans mesprison
La belle que tant prison.
Dame l’appelle et amie.
Mie ne le fai enuis.
Vis m’est que l’aim sans envie ;
Vie m en croist et avis ;
Vis me renc pour le prison
La belle que tant prison.
En une cedule petite
Fu la balade bien escripte,
Et puis en ou rommanc le mis,
Et à celle je le tramis
Qui moult liement le reçut,
Et qui tout, ou de près, le lut.
Quant elle le me renvoia
