Devant Imagination,
Où on doit par droite action
Mettre mémores et escris,
Fu une fois ung plait empris
Entre Rose et la Violette.
La matère ont je vous trette
Fu demenée sagement.
Et pour attaindre plainnement
Poins, procès, articles et cas,
Avant se traist li advocas
De la Rose, et si dist ensi :
« Violette, venus sui ci
» Pour proposer une querelle
» De par ma dame, Rose belle.
» Si vous di, et voeil mettre en cours,
» Et soustenir en toutes cours
» Que Rose est de grignour prisie,
» Mieuls désirée et plus prisie
» Que vous ne soyés. C’est raison,
» Car elle embellist la saison ;
» Et si est de coulour très fine
» Sus le pourpre et sus la sanguine,
