Le texte de cette page a été corrigé et est conforme au fac-similé.
31
Méliador
Et escuier et damoiselles
Des queles y avoit fuison,
Bien dis et wit ou environ. [1]
Pour solaciier Phenonée,
La fu une feste ordonnée,
Belle et courtoise, a ceste fois,
Apriès souper, dedens le bois.
Et la fu au chanter premiere
Une pucelle coustumiere
De dire motès et cançons.
La pucelle ot nom Mareçons ;
Si canta .i. doulz rondelet
Amoureus, c’est bien drois c’on l’et.
Rondel.
Je ne desir tant nulle rien
Que de veoir mon doulz ami ;
C’est ma joie et s’est tout mon bien.
Je ne desir, etc.
Pour ce, le sien tres doulz maintien
Ne voel jou ja mettre en oubli. f. 168 d
Je ne desir, etc.
oult fu tres volentiers oÿe
La pucelete a ceste fie,
Car elle cantoit doucement.
On ne fu mies longement
En sejour que la Luciienne
- ↑ 22855 Bien dis et wit, B Bie .xviii.