« Car pour li ceste queste est toute
« Faite et dounée et coumenchie. »
Aghamanor a ceste fie
Desus Melyador s’en vient,
Et encores bien li souvient
Coument il l’avoit abatu
Devant la Garde et la batu :
Si dist qu’il li vodra près vendre.
Adont va il du tout entendre
A li asallir radement,
Et Melyador autrement col. c
Se defient ossi de l’espée :
La est moult forte la mellée
Des chevaliers preus et hardis.
Chil qui se sont desous iaus mis
Les laissent en tout couvenir
Pour mieus leur proeches tenir.
La se combatent et tournient,
Et des espées se manient
Tellement qu’il sont tout sanglent.
As bras se prendent vistement
Et se tirent par grant effort :
On vera tantost le plus fort.
Melyador fait tout aval
Sus degrigne[r] de son cheval
Aghamanor, droit la cliner.
Ja le couvenist il aler
A la tiere, sans nul deport,
Que chil qui sont de son confort
Le vienent oster dou dangier.
La veïssiez bien tournoÿer
Chevaliers devant et derriere,
............................ [1]
Des chevaus, que c’est moult grant paine
Pour chiaus qui n’ont point longe alaine.
Mesires Tangis li Norois
Ne se tint mies ce jour quois ;
- ↑ 87 manque.
