Malgré tous chiaus qui en aront irour,
De moy serés sur toutes riens amés,
Comme ou monde mon souverain retour,
Puis que je voi, etc.
ilz rondelès moult me plaisi,
Lors que l’oÿ je l’escrisi,
Afin qu’il fust mis en memore.
En grant solas et en grant glore
Persevera on la journée
Apriès ceste cose ordonnée.
Et ces .iii. mariages fais,
Li rois Hermons de ses bienfais,
De ses frais et de son arroy
Remercïa forment le roy
Artus et ossi la roÿne.
Et puis, par parole benigne,
Leur pria de grant volenté
Que, par grasce et par amisté,
Travillier se vosissent tant
Que d’aler ent tout esbatant
De ci jusc’a la Blance Lande.
La voie n’i est pas trop grande,
Chiunc lyewes y a dou pays,
Et la sera li congiés pris
Des dames et des chevaliers.
Li rois Artus tres volentiers
Et la roÿne l’acorderent.
Adont mestre d’ostel monterent
Dou roy d’Escoce, incontinent,
Et chevaucent apertement f. 224 b
Devers le dessus dit manoir,
Car li doy roy venront au soir
Et les dames de france orine,