Il leur est venus au devant
Et dist : « Biau signeur bien venant,
« Que demandés vous ? » — « Vostre mestre. »
— « Certes, signeur, ce ne poet estre,
« Que vous le voilés tant qu’a or. »
— « Et ne porte il .i. soleil d’or ? »
Ce est des hiraus la demande.
— « Oïl. » — « Biau sire, on le demande
« Lassus ; faites qu’il viegne avant. »
— « Signeur, point n’est en couvenant
« Qu’il s’en voist encores de la. »
Adonques uns hiraus parla,
Qui mieus fu avisés de tous,
Et dist : « Alons, retournons nous ;
« Bien savons la piece de terre.
« Il vault bien c’on le viegne querre
« A tres hautes menestraudies. »
Ces parolles ensi baillies,
En ont les hiraus retournés.
Li rois Artus les a mandés
Et dist : « L’avés vous point veü,
« Ce soleil d’or au bleu escu ? »
Et il respondent : « Nennil, voir,
« Mais nous savons bien son manoir. »
Dist li rois : « Qu’en est bon a faire ? »
La eurent bon conseil de traire
Celle part, pour li amener f. 218 b
Avoecques les dames souper,
Dont furent cheval prest en l’eure.
Li roy montent ; nulz ne demeure,
Fors que dames et damoiselles.
Trompes, muses et canemelles
Vont devant plus de demi .c. :
En cel arroy courtois et gent
S’en viennent vers le logeïs
Melyador, ce m’est avis,
Page:Froissart - Méliador, tome 3.djvu/235
Le texte de cette page a été corrigé et est conforme au fac-similé.
230
Méliador
