a pucelle ot nom Margadine,
Et ciés une siene cousine
S’en chevaucoit par mos exprès,
Qui demoroit iluech bien près ;
Mais trop fort en fu retardée,
Quant la maniere si arrée
A veü dou dit chevalier,
Qui moustre le grant desirier
Qu’il a de jouster a son frere.
Adonques en soy considere f. 202 a
Que celle part chevaucera,
Et que d’yaus la jouste vera.
Adonques le palefroy broce
Et devers Saigremor s’approce,
Qui estoit .i. peu eslongiés.
Quant de li fu pris li congiés
Et a la fin qu’il se retarde,
La damoiselle ne se tarde,
Mais commence .i. doulz virelay.
Saigremor qui avoit le glay
De telz nouveletés oïr,
Car trop fort le font resjoïr,
Si tretost que la damoiselle,
De sa vois qu’elle ot bonne et belle,
Le dit virelay commença,
Tous quois sus le pré s’arresta,
Et entent bien quel li mot sont
Dou virelay, li quel voir font
Grandement a recommender.
Et qui me vodroit demander
Dou dit virelay, quelz il fu,
J’ay bien et voloir et argu
Dou dire et dou remettre avant.
De trop grant cose je me vant,
Page:Froissart - Méliador, tome 3.djvu/170
Le texte de cette page a été corrigé et est conforme au fac-similé.
165
Méliador
