Toute la nuit les bouta tant
Que droit au jour, quant il ancrerent,
Dedens Escoce se trouverent. f. 86 a
Adont disent li maronnier :
« Nous ne nos poons ravoiier,
« Se nous n’avons le vent pour nous. »
— « Et, monsigneur, qu’en dittes vous ? »
A Melyador on demande,
Et li chevaliers leur commande
Qu’il se traient errant a terre,
Car il ne voelt plus avoir guerre
A la mer qui l’a tempesté.
Et cil ont fait sa volenté ;
Terre ont pris, pas lonc n’en estoient.
Entrues c’a la terre arrestoient,
Lansonnès qui ne savoit u
Il estoient, dont irascu
Avoit le coer, monte a cheval.
Par tout keurt amont et aval,
Ensi c’aventure l’avoie,
Sans point trouver sentier ne voie,
Maisons, ne logeïs ne estres,
Fors que grans bruisis et genestres.
Quant il eut alé tout au tour
Et ja priès c’a lewet le jour,
Sans trouver ne femme ne homme,
Ne riens fors ce que je vous nomme,
Il retourna sus la bruiere
Et s’en est revenus arriere
Ens ou lieu dont il fu partis.
Si recorde par grant avis
Ce qu’il a trouvé et veü.
Li maronnier n’ont riens sceü
A consillier sus ceste entente,
Mais dient ensi sans attente :
« C’est bon que nous sejournons chi,
Page:Froissart - Méliador, tome 2.djvu/72
Le texte de cette page a été corrigé et est conforme au fac-similé.
68
Méliador
