Et dist que de grant hardement
Est il et de haute entreprise.
Mais encores trop mieus il prise
Le chevalier de bleu armé :
Autrement il ne l’a clamé
En chevauchant de chief en cor,
Fors le bleu au cler soleil d’or.
Bien est son entension toute
Que il passera d’iaus le route
Et ara le pris dou tournoy.
Il n’est mies seus, par ma foy,
Qui le prisent et recoumandent
....................[an]dent
.......................ient
.......................ent
....................llier
.....................illier
Entre lui et Aghamanor :
Il n’est nus qui les passe encor
De faire la trop plus que nus.
Messires Feughins et Caulus,
Desramez et Dreomedès,
Et li vaillans Pollicenès,
Par desous la baniere blanche
Se tienent en bonne ordenanche ;
Mais chil de le bleue baniere
Les reboutent de forche arriere,
Et conquerent et metent jus
Par l’emprise et les grans viertus
De Melyador le vassal.
N’en i a nul especial,
Deseure lui, sachiés pour voir,
Ne qui si bien se sache avoir
En l’estour et en la mellée,
Ou on voit mainte clere espée
Ensonniie de ferir.
On doit bien tel tournoy cerir.
Page 209. — Les dix vers 16462–16471 de notre texte sont représentés dans A par les vingt-huit vers que nous repro-
