Regarde ens par une crevure ;
Si voit Valiienne seoir.
.I. petit busce, et celle voir
Se lieve et si s’est trette avant ;
L’uis oevre. Agamanor devant
Li s’est mis, et dist : « Damoiselle,
« Diex vous doinst hui bon jour ! » Et celle
Li respondi : « Et vos, biau sire ! »
Lors prist Agamanor a dire :
« Damoiselle, chi sui venus,
« Et si ne me scet ceens nulzf. 153 d
« Ne nulle quel cose je cace.
« Si voel jou moult bien c’on le sace,
« Voires vous et la vostre dame,
« Et nulle aultre fors vous, par m’ame.
« J’ay aporté moult belle cose,
« Mais ensi que je vous propose,
« A nullui ne le moustrerai,
« Ne ja ne le desploierai,
« Fors a seul vostre dame chiere. »
Dont respondi la camberiere :
« Je vous entens bien, sire ouvriers.
« A ma dame irai volentiers
« Et li dirai ce que vous dittes ;
« Le[s] voies y sont moult petites,
« Car elle est assés priès de chi. »
Adont Valiienne parti
Et en une cambre s’en vint
Ou sa damoiselle se tint
Et Luciienne, sa cousine ;
A Phenonée fist .i. signe
Qu’elle voloit parler a li.
La pucelle di : « Vemeci.
« Que voes tu dire, Valiienne ? »
Ce fu ensus de Luciienne :
« Dame, ceens est revenus
Page:Froissart - Méliador, tome 2.djvu/342
Le texte de cette page a été corrigé et est conforme au fac-similé.
338
Méliador