Telement le porta a terre
Que ses hÿaumes si fort serre
Ou pré, et est si mal menés
Que dou cop est si estonnés
Que point ne se poet redrecier.
Melyador, pour adrecier
Son cop, s’en est oultre passés,
Et n’est pas encor si lassés
Que les aultres .ii. n’envaïsse.
La fait d’armes le droit offisse,
Ensi que li preu scevent faire,
Et se garde de trop mesfaire
Et d’entrer en yaus, fors a point.
Li uns de ces .ii. si le point
De son glave dessus sa targe,
Mais cilz cops noient ne le carge ;
Tantost en fu dessonniiés
Et dessus cesti avoiiés,
Qui le cop li avoit donné.
Il l’a telement estonné
Que jus a terre le reverse
A ce qu’il cheï teste enverse.
Li espaule li desnoa ;
Cilz fais grandement agrea
A Lansonnet, bien le saciés. f. 141 c
Melyador a bras hauciés,
S’en vient dessus Frotaus le Gris ;
Par le col l’a telement pris
Que Frotaus ne s’en poet ravoir.
Melyador, sans remanoir,
Par force de bras tel le mainne
Que jusques a le grosse alainne.
S’espée li chiet en l’erbier.
Melyador au chevalier
Dist ensi : « Il te couvient rendre,
Page:Froissart - Méliador, tome 2.djvu/293
Le texte de cette page a été corrigé et est conforme au fac-similé.
289
Méliador