Agamanor, a ceste fois,
O Bertoulet s’en est ralés, [1]
Et Melyador d’autre lés.
Cescuns va ou il est logiés,
Desarmés est et refroidiés, f. 121 d[2]
Et boivent cescuns .i. petit
Sus l’erbe ; il n’ont la aultre lit. [3]
r vous dirai dou roy Hermont
Et de sa fille, qui amont
S’en sont ralé ens ou chastiel. [4]
Damoiselles et damoisel [5]
Les convoient en grant arroy ;
La ont maint joli palefroy
Et tamaint cheval ensellé. [6]
En grant reviel s’en sont ralé [7]
De trestoutes menestraudies.
Li rois et les dames prisies
Sont rentré dedens le chastiel,
Et la s’ordonnent bien et biel
De reprendre nouviaus abis.
Ce sera uns tres grant delis
Que des dames veoir en face.
Melyador voelt bien c’on sace,
Voires li et ses escuiers,
Ailleurs ne baille ses cuidiers,
Qu’il ira veoir Hermondine.
A Lansonnet en détermine
- ↑ 16490 Bertoulet, A Biertoulet.
- ↑ 16493 Desarmés est, B Et desarmés.
- ↑ 16495–16496 A remplace ces deux vers par les suivants :
Et esventés ens ou biel umbre
Dou bois qui biaus estoit sans nombre. - ↑ 16498 chastiel, A castiel.
- ↑ 16499 damoisel, A damoisiel.
- ↑ 16502 cheval, A ceval.
- ↑ 16503–16504 A remplace ces deux vers par les suivants :
Et a che qu’ils s’en sont ralé
Et ensi rentré en le porte.