« Ay fait et si ferai encor. »
Or s’avise Melyador,
Tout en chevaucant, qu’il fera
Une cançon et chantera.
Adonques li preus le commence,
Et met fort son entente en ce
Que la cançons soit tres bien faite,
Car il dist : « C’est pour la parfaite
« Ma dame, que je tieng a dame.
« Se ne vodroie pas, par m’ame,
« Ou cas que pour l’amour de li
« Le fay, que g’i eusse falli. »
Et adonques, sans nul delay, [1]
Fist il .i. joli virelay,
Qui se commençoit par tel fourme
Que l’escripture nous enfourme.
Joie me croist, si pers dolour,
En pensant a vous nuit et jour,
Ma douce dame souverainne ;
Car c’est voir ma joie mondainne
Que j’en sui ostés de tristour.
Mais plus me seroit grant joie,
Cent mille fois, de vous veoir,
Car se souhaidier pooie,
Je ne vodroie mieus avoir.
Se saciés, ma tres douce amour,
Que se j’ai solas ou baudour,
- ↑ 15899 delay, B de lay.