Qui bien en voit le couvenant
Et proprement vers lui venant
En soi meïsme moult le prise.
Son glave a a son devoir mise,
Et puis se joint dedens sa targe.
De nul autre soing ne se carge,
Fors dou chevalier aviser,
Sans plus dire ne deviser.
En espouronnant fort et roit,
L’un sus l’autre s’en viennent droit ;
Si se fierent, sus les escus,
Des lances as bons fers agus.
Par la force de leurs chevaus
Et l’emprise des bons vassaus,
Les lances volent en tronçons.
Moult fricement sus les arçons
Se tiennent li doy chevalier ;
Ce ne fu mies hui ne hier
Que on veïst jouste si belle.
Cescuns son escuier rappelle,
Et voelent par bonne ordenance
Encor recouvrer une lance ;
Ensi l’ont acordé entre yaus,
Qui que soit li jeu lait ou biaus.
u retour que cescuns a fait
Li escuiers s’en vint de fait
A celi qui le harpe porte
Et telz nouvelles li aporte :
« Sire, sire, sour toute rien,
« Vous di que vous vous gardés bien,
« Car vous joustés au chevalier
« Qui si belles les scet baillier,
« Qui desconfi, c’est vraie cose,
« Les .iii. chevaliers a Montrose f. 114 c
Page:Froissart - Méliador, tome 2.djvu/184
Le texte de cette page a été corrigé et est conforme au fac-similé.
180
Méliador
