epuis ne demora granment
Que li rois Hermons vraiement
Vint veoir sa fille Hermondine
Et Florée ossi, sa cousine,
Qu’il conjoÿ moult volentiers.
La fu, par .iiii. jours entiers,
En deduit et en esbanoi,
On n’i parla onques d’anoi,
Fors que de joie et de reviel.
Hermondine au corps frice et biel,
Quant elle vit que heure fu,
Elle s’en vint vers son pere u
Il estoit en tres grant solas,
Li quelz rois ne fu mies las
De sa fille biel recueillier.
Elle se va agenillier
Devant li, car li rois seoit.
Li rois l’embrace, qui le voit,
Par le brach et li dist : « Ma fille. »
Et celle, qui fu tres gentille,
Sans lever se tint toute ferme
Et parolle par moult biau terme,
Disant : « Monsigneur, voelliés moy
« Acorder que j’aie .i. tournoy
« D’aucuns chevaliers qui venront
« Et qui ci se recueilleront,
« Qui se tiennent dessus la lande,
« Entre Escoce et Norchombrelande.
« Plus ne le ferai lonc savoir.
« Ossi bien en puis .i. avoir
« Que la fille de Cornuaille
« Et ma cosine ossi, sans faille,
« La damoiselle de la Garde.
« Tout ensi ychi on me garde f. 108 c
« C’on fait .i. oiselet en mue,
Page:Froissart - Méliador, tome 2.djvu/160
Le texte de cette page a été corrigé et est conforme au fac-similé.
156
Méliador
