i. chevalier
Que on appelloit Corbilier ;
Grandement faisoit le harouge.
De blanc a .i. quartier de rouge
S’armoit de targe et de parures ;
Moult bien fu en ses armeüres
Aprestés et de bonne taille.
Bertoulès a son mestre baille
Sa lance, sitost qu’il le voit ;
Messires Corbiliers avoit
Ja pris la sienne, ce me samble.
Tantos vodront jouster ensamble,
Car il esporonnent tout doy
Et s’en viennent par bon arroi f. 100 d
Moult fierement l’un contre l’autre,
En portant les lances sus fautre.
Ferus se sont sus les escus,
Sans metre detri ne refus,
Des lances a bons fers trencans.
Li chevaliers, qui estoit grans,
Biaus de fourme et de fier encontre,
Agamanor si roit encontre
Que sa lance brise en tronçons.
Onques n’en perdi les arçons
Agamanor, mes bien se tint ;
Dessus le chevalier s’en vint,
Et le feri par tel maniere
Qu’il le porta jus par derriere.
Si roit cheï dessus la lande,
Par dalés une pierre grande
Qu’il ne peut ravoir sen alainne.
Demorés fust en celle painne
.I. jour ; mes Bertoulès vint la,
Qui le chevalier appella
Et li dist, illuech en gisant :
« Chevaliers, .i. cop moult pesant
Page:Froissart - Méliador, tome 2.djvu/130
Le texte de cette page a été corrigé et est conforme au fac-similé.
126
Méliador