« Que vous estes, sans avoir blasme,
« Chevaliers a la blanche dame.
« Et se vous venés ja en place,
« Ou vous puissiés veoir en face
« Le chevalier a descouvert,
« Au quel ceste devise sert,
« Si l’examinés ci avant
« Que vous sachiés son couvenant,
« Se c’est Melyador mes freres,
« Et li recordés les materes
« De mon fait, et par quel argu
« Jou ay encargiet son escu. »
Et Lyones respont : « Ma dame,
« Tout ce que me cargiés, par m’ame, f. 100 b
« A mon pooir je le ferai
« Ou en la place demorrai. »
epuis ne demora granment
Que Phenonée vraiement,
Pour acomplir son desirier,
Fist armer le blanc chevalier,
Monter et partir de Tarbonne.
Ce puist ore estre a l’eure bonne
Que messires Lyones part !
Il s’en chevauce celle part
Ou li aultre chevalier vont
Devers Norchombrelande. Adont
Moult estoit gentement armés ;
Le premier jour qu’il est sevrés
De Tarbonne, saciés pour voir,
Jousta il au chevalier noir,
Et le porta moult dur a terre
Et le conquist de belle guerre,
Tant que bien en ot cognissance
De puis la jone dame blanche ;
Page:Froissart - Méliador, tome 2.djvu/128
Le texte de cette page a été corrigé et est conforme au fac-similé.
124
Méliador
