.I. chastiel seant sus la lande,
Dont li sires qui le tenoit
Freres germains esté avoit
A la roÿne dessus ditte.
Chilz castiaus de quoi je recite
Fu pour le temps de dont nommés
Montgriès. Moult bien estoit fremés
Et li sires de la maison f. 1 d
Messires Los avoit a nom.
Une fille ot, c’est cose clere,
Mais en avoit perdu la mere.
Florée ot nom la damoiselle ;
Moult fu sage, courtoise et belle.
Or avint que li rois Hermons
Fu assaillis dou roi des Mons
Et de Suède, ses voisins.
Adont manda il ses cousins,
Ses hommes et tous ses proçains.
Messires Los, li plus lointains
De li, fu erranment mandés,
Qui ne s’en est pas excusés,
Mais le vint vistement servir,
Car pas ne li voloit faillir.
Si fu la guerre toute aperte
Entre ces rois forte et ouverte,
Et qui dura plus de .v. ans.
Souvent estoient sus les camps
Cil de Suède et cil d’Escoce.
Le roy Hermont pas ne reproce
Qu’il ne guerriast vaillanment,
Car homs fu de grant hardement,
D’avis et de bonne ordenance,
Et si avoit de pourveance
Bons chevaliers en son paÿs
Desquelz il n’estoit pas haÿs.
Page:Froissart - Méliador, tome 1.djvu/83
Le texte de cette page a été corrigé et est conforme au fac-similé.
3
Méliador
