Le texte de cette page a été corrigé et est conforme au fac-similé.
228
Méliador
La damoiselle, qui bien sent
Tout ce qu’elle voet faire et dire,
Au canter doucement s’atire
Le rondelet que vous orés,
En tel maniere que vodrés.
Rondel
Diex le gart de mal et d’anoi, [1]
Ma douce desirée amour,
Car je le sçai loyal vers moy.
Diex le gart, etc.
Pour ce desire, par ma foy,
Son bien et dessus tous s’onnour.
Diex le gart, etc.
nsi la pucelle chantoit
Et Melyador l’escoutoit
En dormant, ce li estoit vis,
Mais ses cuers estoit tout ravis f. 58 d
En plaisance gaie et jolie.
Quant ceste cançon fu finie,
Melyador se resvilla,
Qui en resvillant souspira,
Et, quant ensi eut soupiré,
La damoiselle a regardé
Qui estoit plaisans et doucete,
Et seoit la toute seulete.
Or fu trop fort esmervilliés ;
- ↑ 7927 gart. B gard.
