Ossi fait toute li maisons.
Au quatrime jour s’en parti
Et tant chemina puissedi,
Que elle s’en revint chiés soy.
Ensi eut on fin de tournoi
Qui par devant la Garde fu :
Li chevalier dou roy Artu,
Qui la furent a la journée,
Partirent une matinée
Et si se misent au retour ;
Je ne sçai mies en quel jour f. 53 c
Il s’en vinrent a Carlion,
Mais la toute l’entension
Dou tournoy au roy recorderent,
Et moult grandement li loerent
Celi qui en avoit le pris.
On a tous leurs recors escris
Tout ensi que recordé ont,
Et par especial mis sont
En escript li preu chevalier,
Ensi c’on les poet armoiier,
Car mies par aultre ordenance
On n’en poet avoir cognissance.
fin que riens nous n’oublions,
A la journée revenrons
Dou tournoy qui fu a la Garde,
Car verités voet c’on regarde
A toutes coses en venant.
Vous savés en quel couvenant
Tout li chevalier s’en partirent.
Bien oïrent et entendirent
C’on avoit donné l’esprivier
Au vaillant et preu chevalier
Qui de bleu s’arme et qui se brise
Page:Froissart - Méliador, tome 1.djvu/287
Le texte de cette page a été corrigé et est conforme au fac-similé.
207
Méliador
