Page:Froissart - Méliador, tome 1.djvu/255

Le texte de cette page a été corrigé et est conforme au fac-similé.
175
Méliador

Quant escript ot, si seela
Et puis meïsmes l’aporta
A Montgriès, ens ou propre jour.
A Florée dist : « Sans sejour
6120 « Vous couvient en Escoce aler
« Et a vo cousine parler,
« Et raporter de ce response. »
Florée, qui se voit semonse,
N’ose respondre dou contraire ;
6125 Mais fait ses chevaus lors hors traire
Et monte, et de Montgriès se part,
Et puis chemine celle part
Ou messires Camelz l’envoie.
Gaires ne fi sus celle voie
6130 De sejour puis son partement,
Car Camelz du departement
Li avoit enjoint et priiet,
Et elle li ot ottroiet.
A Signandon s’en est venue :
6135 Moult fu lie de sa venue
Hermondine, saciés pour voir.
Elle volt erranment savoir
Pour quoi venoit la en tel haste,
Et Florée qui pas ne haste
6140 Sa besongne, fors par raison,
Li dist : « Cousine, en ma maison
« Me vint Camelz priier et querre, f. 45 c
« Et especialment requerre,
« Que je vosisse chi venir
6145 « Et ossi a mon revenir
« Response avoir de ceste lettre. »
Adonques li va ou poing mettre
La lettre et la belle le prent,
Qui a l’ouvrir errant entent.
6150 Au lire ossi la est Florée,
Qui bien voet savoir la pensée