Ou tamainte aventure estragne
Li avenront, ains qu’il en isse.
De li plus lonch recort feïsse
S’il fust li tiers en celle queste
Pour Hermondine et le conqueste.
Mais, nennil, il en y a moult,
Li quel sont bon chevalier tout ;
Si m’en faudra ossi parler
Et leurs proeces recorder.
Mais, puis qu’a Agamanor sui,
Je ne parlerai de nullui,
Quelz qu’ilz soit, ne de quel renom,
Si arai avanchié son nom.
r s’en chevauce Agamanor
Sus .i. cheval, .i. petit sor,
Sa targe au col, ou poing la glave.
Il n’est nulle riens qui l’emblave ;
Tant li est plaisans li mestiers
Que tout ce fait il volentiers.
Ja avoit passet .i. boscage f. 34 c
Et s’en venoit sus .i. village,
La ou desarmer se devoit.
Ses escuiers regarde et voit
.I. chevalier dessus la lande,
Qui moult estoit herbue et grande
Et le traversoit o son page.
Armés estoit a son usage,
Et portoit selonch ma semblance
De rouge a une targe blance.
Moult y avoit bel chevalier
Et bien tailliet de recueillier
.I. autre chevalier sans faille,
Page:Froissart - Méliador, tome 1.djvu/212
Le texte de cette page a été corrigé et est conforme au fac-similé.
132
Méliador
