Au soir trouverent .i. manoir,
La sont venu pour remanoir.
Cilz a qui li ostelz estoit,
Les conjoïst quant il les voit,
Et les tint celle nuit tout aise
Tant que cescuns bien s’en apaise.
Et, quant ce vint apriès souper,
Il li alerent demander
S’il savoit aucunes nouvelles :
« Oïl », ce respont cilz, « moult belles.
« Il doit avoir certainnement
« .I. grant tournoi proçainnement
« Devant le chastiel de la Garde. »
A ces mots Lansonnès regarde
Le preudomme et li dist ensi :
« Et la Garde, est ce priès de ci ? »
Et li forestiers sans delai
Respont : « Voir, sire, je ne sai ;
« Mais ensi le me dist hersoir
« Uns chevaliers errans, pour voir,
« Qui l’avoit oÿ recorder
« .i. heraut, et bien affremer.
« Et, se vous chevauciés avant
« En l’estat et ou couvenant
« Ou vous estes, il n’est pas doubte, f. 27 a
« Vous en trouverés bien la route. »
Dist Lansonnès : « Vous dittes voir. »
Ensi l’ont laissiet pour ce soir
Et, quant ce vint au bon matin,
Tout doi se sont mis ou chemin,
Et chevaucent sans detriance,
En moult couvegnable ordenance.
i com Melyador aloit,
Qui a son escuier parloit
Page:Froissart - Méliador, tome 1.djvu/182
Le texte de cette page a été corrigé et est conforme au fac-similé.
102
Méliador
