Narbonne sur les Narbonnois, desquels il y eut morts et pris assez, ils se logèrent à leur aise en ces beaux hôtels dont il y avoit à ce jour plus de trois cents, et trouvèrent ens tant de biens, de belles pourvéances et de bons vins, qu’ils n’en savoient que faire.
Et étoit l’intention du prince que de faire assaillir la cité ainsi qu’il fit, et du prendre ; car dit lui fut que, s’ils la prendoient, ils trouveroient tant d’or et d’argent dedans, de bons joyaux et de riches prisonniers que le plus povre des leurs en seroit riche à toujours. Et aussi le prince attendoit la redemption de ceux de Cabestain et d’aucunes villes et châteaux en Narbonnois qui s’étoient rançonnés à non ardoir. Si se tenoient tout aises sur celle belle rivière d’Aude, eux et leurs chevaux, et buvoient de ces bons vins et de ces bons muscades, et toudis en espoir de plus gagner.
gaigneroit plusours lieux, qar noz enemys sount mult estonez. Et à feisaunce du ceste mounseir avoit ordeigné de maunder toutz les countes et toutz les barons à demurrer à diverses lieus sour les marches pour faire chivachés et grever ses enemys. Mounseir, aultres novelx à présent ne vous say maunder ; mès voz volentés qe vous plerra devers moy toutz jours le moy voilletz par voz letres comaunder come à le votre à tout ma poair. Moun très honourable seigneur, bone vie, joye et sanité vous doigne Dieu et long. Escrite à Burdeaux le meskerdy proschein devaunt Noël*.
Très cher, S. et très fyable amy, endroit des novels ; puis votre departir voiliez savoir qe sount pris et rendutz cinq villes encloses, c’est assavoir, port Seinte-Marie, Cleyrak, Tonynges, Burgh Seint-Piere, Chastiel Sacra et Brassak ; et dix-sept chastiels, c’est assavoir, Coiller, Buset, Levinak, deux chastiels appeliez Boloynes qe sount bien près l’un de l’autre, Mounjoye, Viresch, Frechenet, Mountaundre, Pusdechales, Mounpoun, Mountanak, Valeclare, Benavaunt, Lystrak, Plasak, Contdestablisoun et Mounrivel. Et voiliez savoir qe Mounseir Joban Chaundos, mounseir James d’Audelé et voz gentz qe sount ovesqe eaux, et les aultres Gascoignes qe sount en lour companye, et mounseir Baldewyn Botort et celle companye, et mounseir Renaud Cobham, pristrent la dite ville q’ad à noun Chastiel Sacrat, par assaut ; et le bastard de Lisle, qe fust capitain de la dite ville, fust tué auxi come ils assaillerent, qe fust feru od un saete parmy la teste. Et mounseir Renaud est retourné arere vers Lanedak, et mounseir Bawdewin vers Brassak od lour compagnye et mounseir Johan et mounseir James et ceaux de lour compagnye sount demurrez en Chastiel Sacrat et ount assez de toutz maners vivres entre cy et le Seint-Johan, si ne soit de pessoun frès et clowes, come nous ount maundé par lour letres.
Sour quoy y ne covient pas que vous pensez de vos bones geantz ; et sount en celle ville plus qe CCC gleyves et de CCC servauntz et CL archiers ; et ount chivaché devaunt Agente, et arz et destruitz toutz leur molyns, et auxi ont debrusé et arz lour pounlz qe aloient oultre Gerounde, et ount pris un chastiel hors de la dite ville, et là ount estabiy. Et mounseir Johan d’Ermynake et le seneschal d’Agenois q’estoient en la ville de Agente ne voillent une foitz butere hors lour teste ne nulle de lour gentz, unqore ount-ils esté devaunt la dite ville II foitz. Et mounseir Busicaud estoit venuz, et mounseir Ernald d’Espaigne et Grymoton de Chamblue od CCC gleyves et CCC servauntz Lombardes, et sount en la ville de Muschak q’est en Cressy, et n’est forsqe une leage de Chastiel Sacra et une leage de Brassak ; et vous purretz bien penser q’il avera illesqes bon companye pour assaier chescun compaignon aultre. Et voillez savoir qe mounseir Bartheu est à Coniak od VI vingt hommes de armes de l’hostel mounseir et VI vingt archiers, et le capitan le la Buche, le sire Mountferraunt et le site de Crotoin q’ount bien ovesque eaux CCC gleyves et VI vingt archiers et CC servauntz ; et sount en Tailburgh, Tanney et Rocheford des gentz d’armes, issint qu’ils poient bien entre quaunt ils sount ensemble DC gleyves. Et à feisaunce du cestes estoient hors sour une chivaché vers Ango et Peyto. Et les countes de Suthfolk, d’Oxenforde et de Salusbury, le sire de Mussenden, mounmsire Elys de Pomers et aultres Gascoignes ovesqe eaux, qe sount bien pluts qe D cents gleyves et CC servauntz et CCC archiers ; et estoient à feisaunce du cestes vers les parties de Notre Dame de Rochemade, et ount esté hors pluis que XII jours, et n’estoient revenuz au départir de cestes. Mounsire Johan Chaundos, mounsire James et mounsire Baudewin et ceaux qe sount en leur companye sount auxi hors sour une chivaché devers lour parties. Mounsire Renaud et ceux de Mesoun od les Gascoignes qe sount en lour companye sount auxi hors sour une chivaché devers lour parties. Le counte de Warewyk ad esté à Tonynges et à Clerak au prendre ycelles villes, et est au feisance de cestes devers Mermande pour destruire lour vines et tout aultre chose q’il purra destruire de eux. Mounsire est à Leybourne, et le sire de Pomers à Frensak qe n’est qe un quarter de une leage de Leybourne. Et les gentz mounsire gisoient auxi bien à Seint Milioun come à Leybourne. Et mounsire Berarde de Bret est illesqes ovesqe luy. Et, mounsire gaite novels lesquelles il deit aver ; et solone les novels qu’il avera il se tretera od il semble que meultz soit sour soun honour. Au feisaunce du cestes le counte d’Ermynake estoit à Avynoun, et le roi d’Arragon est illesqes. Et toutz aultres parlaunces qe fusreut en diverses lieus dount vous eu avez conisaunce jeo ne vous say maunder. À fesaunce du cestes, très cher sire, aultre chose ne vous say maunder à vous, mais qe vous pensés d’envoier novels à mounsire â le pluistot come en nul manere bonement purretz. Très cher sire, Notre Sire vous doigne bone vie et long. Escré à Leybourne le XXIIe jour de janever (1356).
* Le jour de Noël, en 1355 était un vendredi ; ainsi le mercredi précédent était le 23 décembre.
