Le texte de cette page a été corrigé et est conforme au fac-similé.
25
L’homme dans la Lvne
Cette Iſle eſt à quinze degrez de hauteur vers le Sud, & peut auoir de circuit enuiron neuf milles d’Italie, ſans qu’il y ait aucune terre ferme à trois cens lieuës prés, ny vne ſeule Iſle à cent. Tellement qu’il ſemble que ce ſoit vn prodige de la Nature, que dans vn Ocean ſi orageux, & de ſi grande eſtenduë, ſe deſcouure aux yeux vne ſi petite piece de terre. Il y a du coſté du Sud vn tres-bon Havre, enuironné de pluſieurs loges, que les Portugais y ont faites, pout la commodité des Navigateurs. Parmy ces Baſtiments est remarquable vne petite Chappelle embellie d’vne haute Tour, & d’vne Cloche au dedans. Adjouſtez y
