Le texte de cette page a été corrigé et est conforme au fac-similé.
Summa laus sevum tibi sit per omne
Christe qui Judex simul et sacerdos,
Hic tibi fingis supero flagrantes
Igne ministros. Amen.
XIII.
Quæ dies tanto celebrata cultu
Givitas omnis vetus ad sepulcrum
Advolat, cujus cineres recondit
Terra beatos.
Hoc memor quondam tumulata saxo,
Trecor Yvonis veneratur ossa,
Quisquis hic orat, sibi mox probabit
Numen amicum.
Prisca nostrorum pietas avorum
Fluxit ex illo : rediviva surgat
Quos adhùc servat cinis hic sepultos
Suscitet ignes.
Quæ fuit vivo tibi cura, pastor,
Hanc licet vectus super astra serves ;
Et tuam nostræ bone tutor urbis,
Respice gentem.
