Le texte de cette page a été corrigé et est conforme au fac-similé.
RABELAIS
Ie vous remectz à la grande chronicque Plantagrueline recongnoiſtre la genealogie & antiquité dont nous eſt venu Gargantua. En icelle vous entendrez plus au long comment les Geands naſquirent en ce monde : & comment d'iceulx par lignes directes yſſit Gargantua pere de Pantagruel : & ne vous faſchera : ſi pour le preſent ie m'en deporte. Combien que la choſe ſoit telle : que tant plus ſeroit remembree : tant plus elle plairoit à voz ſeigneuries : comme vous auez l'autorité de Platon in Philebo & Gorgias, & de Flacce : qui dict eſtre aucuns propos telz que ceulx cy fans doubte : qui plus ſont delectables : quand plus ſouuent ſont redictz.
(Grands Annales ou Croniques treſueritables des Geſtes merueilleux du grand Gargantua… 1542. — Chap. I.)
