Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/81

de Mercure, ou de quelque autre metail, il se convertira tout en or ou argent, selon que sera la medecine. Maintenant vous avez ample congnoissance de la multiplication, en vertu & quantité. La multiplication en vertu est celle que je vous ai faite en la dissolution du soulphre fermenté & fixé, c’est à dire, en dissoudant & congelant par trois fois, & tant plus qu’il se dissout & congele, tant plus il augmente sa vertu, & chacune fois est pour gaigner le centuaire, à sçavoir en dissoudant & congelant, & sçachez que chacune fois la médecine a puissance de transmuter cent partie de Mercure en poudre : puis une partie de ces 100. parts en convertit 100. autres en bon metail. Et à celle fin qu’en cét endroit vous ne puissiez faillir, nous vous monstrerons une maniere generale. Sçachez que toutes les fois que vostre Medecine ou particulier en transmuera une en poudre en jettant sur du Mercure cette poudre, elle a puissance de transmuer cinquante parts, & ainsi de main en main d’un jusques au nombre parfait de dix parts, & s’il y avoit xv, il a puissance de transmuer 150. parts, & ainsi faut aller