Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/79

plus, lequel vous luterez avec du fort lut de sapience, à savoir la troisiesme partie dudit urinal, & puis vous le ferez sécher, & étant sec vous triturerez vostre soulphre en un mortier de verre, le pilon de mesme d’un longue trituration, puis vous le mettrez en vostre urinal, & versez dessus la huictiesme partie de votre huille, lequel nous avons designé au Chapitre de M, à sçavoir cestuy-là, qui est faict selon la première maniere, le bouchant avec son antenos, le mettant in tripode arcanorum, & l’urinal dedans : nous faisons cela à celle fin, que la fermeture & boucheure n’apparoisse point, & de cette sorte vous le laisserez continuer par trois jours, jusques à ce que vous verrez nostre huille estre congelée en son soulphre ; puis l’imbiberez comme dessus, & ainsi vous continuerez vostre magistère, tant que vostre soulphre se fonde avec tres-petit feu. Mais pour vous donner un signe plus ample, c’est qu’il vous faut prendre fort peu, & en mettre sur une lame chaude de fer ou d’airain, & s’il coule sans fumée, alors vous aurez en la loüange du Dieu tout-puissant votre Magi-