precieux menstrüe & pour le circuler, apres calciner, dissoudre, putrifier, puis tirer la partie mercuriale des deux luminaires or & argent, & après créer le menstruë majeur, comme avons enseigné au vegetable & en ce chapitre nous vous en avons plus dit, que les autres philosophes n’ont fait par leur gros volumes.
PRenez & recueillez la sublimation susdicte, tant celle qui est montée au chappeau, comme celle qui est demeurée au milieu du vaisseau, & voulant proceder au blanc & au rouge, faites en deux parts, & prenez l’une, & la mettez rubifier en un vaisseau que nous vous avons monstré en la creation du souffre susdit, & iceluy imbibez avec l’eau de soleil, en laquelle soit dissoult l’element du feu substanciellement & essenciellement puis sur ledit souffre versez la quatriesme partie le bouchant avec son antenos, & le mettant au bain par un jour naturel,
