Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/40

c’est à dire en une nasse ou bien cucurbite ; & comme il sera circule les quarante jours, ainsi comme la premiere eau monstre couleurs en la couleur de son ferment, quand elle viendra à ce point elle ne se montrera plus que blanche, & demeurera au fond une gomme rouge, comme un fin rubis, & l’eau instrumentale, laquelle est demeurée sur la gomme sera blanche, laquelle verserez acortement, & puis vous mettrez ladite gomme au bain, c’est à dire estant au mesme vaisseau, & le bain doit estre quelque peu bouillant, & il se dissoudra en quatre ou cinq jours, en huille tres-rouge : puis vous le mettrez deux jours en cendres, & il se congelera en la mesme gomme comme auparavant. Ainsi vous fairez par trois fois, dissolvant & congelant. Et par ce moyen vous aurez reduict notre médecine, ou grande composition majeur, pour guerir toute maladie corporelle de quelque corruption que ce soit, comme de lepre & autre maladie. Et c’est le vrai or potable, duquel a parlé Raymond Lulle en plusieurs lieux. Il a la propriété de conserver l’humidi-