avec l’une des trois huiles, lesquelles nous vous avons enseignées au chapitre de M. vous verrez de grands effects & tres-grandes transmutations.
Outre, cette premiere matiere ou moyenne substance, se peut fixer en cette maniere, ou achever de decuire, c’est à dire ne la voulant pas fixer en part elle, mais triturez-la comme avons dit cy-dessus, prenez-là & la mettez en un vaisseau, lui baillant la quatrième partie de la lune ou du soleil dissout par la physique dissolution, c’est à dire avec le menstruë majeur, puis la bouchez avec son antenos & mettez au bain par deux jours de mesme maniere que vous avez faict, quand avez voulu faire le soulphre à sçavoir au chapitre de L. Au bout des deux jours ostez-le & faictes aller son humidité par le baing par cendre legere, puis augmentez le feu, & faictes sublimer, puis mettant bas ce qui sera sublimé, & derechef sublimant avec la quatriesme partie de l’or susdict ou bien argent, dissous comme dessus le bouchant avec son antenos, mettant au bain, ostant l’humidité, puis augmen-
